Arbeloa rrezikon shkarkimin nga Reali për shkak të rezultateve

E ardhmja e Alvaro Arbeloa në stolin e Real Madrid është vënë në dyshim pas humbjes 0-1 në shtëpi ndaj Getafe, e cila shënoi dështimin e dytë radhazi për ekipin në La Liga, duke rritur diferencën me liderin Barcelona në 4 pikë.

Sipas mediave spanjolle, veçanërisht prestigjiozes “Marca”, marsi pritet të jetë muaj vendimtar për 43-vjeçarin, i cili po përballet me presion të madh nga tifozët në “Santiago Bernabéu”.

Gjatë ndeshjes së fundit, një pjesë e konsiderueshme e publikut braktisi stadiumin para përfundimit, ndërsa të tjerë kërkuan largimin e drejtuesve të klubit.

Kalendari i vështirë i këtij muaji përfshin derbin ndaj Atlético Madrid dhe përballjet e dyfishta në Champions League kundër Manchester City. Nëse rezultatet nuk përmirësohen shpejt, Real Madridi rrezikon të mbetet jashtë garës për tituj edhe në këtë fazë të sezonit.