Arbër Hoxha shënon super gol në miqësoren ndaj Shakhtar Donesk

Arbër Hoxha në ditët e fundit është përfolur shumë për një transferim në Seria A, por një gjë e tillë nuk ka ndodhur. Ai e ka nisur mjaft mirë vitin 2025, duke shënuar një gol fantastik.

Anësori kuqezi u shndërrua në protagonist në miqësoren që ekipi i tij Dinamo Zagreb zhvilloi kundër Shakhtar, i përfunduar në barazim 2-2.

Në minutën e 95-të, Hoxha mori një top në krah dhe me një veprim shumë të bukur me të majtën e dërgoi topin në cepin e portës. Goli i Arbër Hoxhës mori edhe duartrokitjet e trajnerit të tij, legjendës italiane, Fabio Cannavaro.