Arlind Ajeti nis një aventurë të re, prezantohet në klubin turk

Arlind Ajeti ka lënë Rumaninë dhe është transferuar në kampionatin turk. Mbrojtësi i Kombëtares u largua nga Cluj dhe u prezantua te Bodrumspor, ku së fundmi ka kaluar edhe Taulant Seferi.

Ajeti u ble për 300 mijë euro nga klubi turk dhe u prezantua me një video spektakolare.

Për lojtarin 30-vjeçar mund të konsiderohet një hap i rëndësishëm në karrierë në këtë moment, pas aventurave që ka pasur në Zvicër, Itali, Danimarkë dhe së fundi në Rumani.