Armando Broja mendon largimin nga Chelsea, ja 4 opsionet e para

Armando Broja nuk e ka aspak vendin e sigurt te skuadra e Chelsea-t. Sulmuesi kuqezi, i cili po rikuperohet nga dëmtimi i rëndë në gju, do ta ketë të vështirë të gjejë hapësira te “Blutë” e Londrës dhe për këtë arsye po shqyrton ofertat.

Mundësitë për largimin e talentit shqiptar janë rritur edhe prej transferimit të Nicolas Jackson në “Stamford Bridge”. Me hapësirat e aktivizimit që janë zvogëluar, Broja po diskuton me drejtuesit e Chelsea për t’u larguar.

Ofertat nga klubet elitare angleze nuk kanë munguar. Ëest Ham dhe Crystal Palace janë mes katër ekipeve të Premier League që kërkojnë shërbimet e 21-vjeçarit kuqezi.

Broja kërkon një ekip ku do të luajë dhe të tregojë kualitetin e tij. Mes alternativave të tjera janë edhe Brentford e Burnley. Gjatë sezonit të kaluar, 21-vjeçari luajti 18 ndeshje për Chelsea në të gjitha aktivitetet, ku shënoi një gol dhe regjistroi një asist.