Arsenali bën gati ofertën për të rrëmbyer një tjetër shqiptar, Enis Bardhin

Arsenali është kthyer në një “streh” për futbollistët e spikatur me origjinë shqiptare. Pas Granit Xhakës dhe Shkodran Mustafit, aktualisht pjesë e “Topçinjve” të Londrës, shanset janë që kësaj skuadre të njohur të Premier League t’i bashkohet edhe Enis Bardhi.

Mediat spanjolle dhe ato angleze bëjnë me dije se Mikel Arteta e pëlqen shumë mesfushorin në fjalë, që spikat me golat e tij spektakolarë, sidomos nga goditjet e dënimit.

24-vjeçari është një mesfushor-sulmues, i cili ka shënuar 4 gola dhe ka dhënë 2 asiste në La Liga, këtë sezon. Bardhi është pjesë e skuadrës spanjolle që nga vera e vitit 2017, teksa ka shënuar 16 gol në total në 88 ndeshje.