Arsenali ngec ndaj Brighton, Liverpooli mund të “arratiset” më shumë

Arsenal nuk shkoi më shumë se një barazim 1-1 në duelin e radhës ndaj Brighton në Premier League. Nwaneri dërgoi në festë skuadrën e Artetës, me golin e tij në minutën e 16-të. Në pjesën e dytë, vendasit u vendosën në kërkim të golit të barazimit dhe ia dolën që të vendosin ekuilibrat.

Në minutën e 61-të, Joao Pedro realizoi një penallti, duke mposhtur kështu portierin kundërshtar. 6 minutat shtesë nuk sollën ndryshim në rezultat, pavarësisht rasteve. Topçinjtë mbeten në vendin e dytë, 5 pikë larg Liverpoolit, por ekipi i Slot ka dhe dy sfida të tjera për të luajtur më shumë.