Arsenali rigjen fitoren ndaj Sheffield, West Ham befason “Dhelprat” (VIDEO)

Arsenali është rikthyer te fitoret në Premier League, teksa pasditen e sotme mposhti me rezultatin 2-1 Sheffield United në “Emirates Stadium”.

Londinezët e Mikel Artetës vuajtën jo pak përballë modestëve të Sheffield, teksa sfidën e zhbllokoi Saka në minutën e 61-të, ndërsa Nicolas Pepe dyfishoi avantazhin tre minuta më vonë. Miqtë rihapën ndeshjen 10 minuta para fundit, por pa ia dalë të shmangin humbjen, ndërsa me këtë fitore Arsenali ngjitet në kuotën e 9 pikëve në kampionat.

Zhgënjen Leicester që u mposht nga West Ham me rezultatin 1-3. Djemtë e Brendon Rodgers luajtën mirë, por u kapën në befasi 3 herë nga miqtë dhe nuk arritën të vijojnë serinë e fitoreve.