Asani vazhdon të shkëlqejë në Korenë e Jugut, gol spektakolar ndaj Gimcheon Sangmu

Jasir Asani po kalon një formë të shkëlqyer me skuadrën e Gwangju në Korenë e Jugut, duke konfirmuar edhe një herë vlerat e tij si një nga lojtarët më në formë të Kombëtares shqiptare. Sulmuesi 29-vjeçar realizoi një tjetër gol të bukur nga distanca, në barazimin 1-1 ndaj Gimcheon Sangmu.

Asani shënoi me një goditje të fuqishme jashtë zonës, duke çuar në 8 numrin e golave të tij në kampionat këtë sezon. Ai gjeti edhe rrjetën për herë të dytë gjatë ndeshjes, por goli i dytë u anulua nga gjyqtari.

Forma e tij e mirë vjen në një moment të rëndësishëm, teksa kontrata e Asanit me Gwangju skadon në fund të këtij viti kalendarik.