Asllanit i humb “durimi” tek Interi, në verë mund të transferohet te … Bologna

Asllanit i humb “durimi” tek Interi, në verë mund të transferohet te … Bologna

Kristjan Asllani pritet të jetë një ndër emrat më të përfolur në merkaton e verës. Edhe pse dëshira është e madhe që ai të mbetet për shumë vite tek Interi, aktivizimi i pakët mund të bëjë që të mendojë për një tjetër destinacion.

Asllani do të vijojë të jetë sërish pjesë e Serisë A. Kjo sepse për momentin interesim ka shfaqur ekipi i Bolognës, së drejtuar nga tekniku Vincenzo Italiano. Skuadra bolonjeze renditet për momentin në vendin e 4 dhe në rast se do të sigurojë Championsin, do të synojë që të afroje Kristjan Asllanin.

Lojtari shqiptar vlerësohet si një lojtar që mund të bëjë të dy fazat e lojës në mesfushë dhe mediat italiane raportojnë se klubi është gati të hyjë në bisedime me Interin për të. Ai mund të përfshihet si pjesë e paketës për të çuar Castro në radhët e zikaltërve gjatë verës.

Interi do të dëshirojë të mbajnë kartonin e Asllanit, te Bolonja mendojnë se mund të bindin palët e përfshira me një huazim të thjeshtë 1-vjeçar të lojtarit, për ta bërë më pas përfundimtar në verën e vitit 2026. Me përfundimin e sezonit pritet të mësohet më shumë për të ardhmen e mesfushorit të kombëtares tonë.

SHKARKO APP