Atletico Madrid fiton me një autogol, mbetet në zonën e titullit

Atletico Madrid vazhdoi serinë pozitive në La Liga, duke regjistruar triumfin e pestë radhazi. Skuadra e Diego Simeones doli me tre pikë nga transferta ndaj Getafes, falë një episodi të fatit në minutat e fundit të ndeshjes.

Në minutën e 82-të, një top i futur në zonë nga Giacomo Raspadori krijoi rrëmujë para portës, ku mbrojtësi Domingos Duarte devijoi gabimisht drejt rrjetës së vet, duke vulosur fitoren 0-1 për madrilenët.

Me këtë sukses, Atletico qëndron në garën për kreun, duke u mbajtur në vendin e katërt me 28 pikë, tre më pak se Barcelona dhe Real Madrid.