Atletico Madrid turpërohet në La Liga nga Rayo që lufton për mbijetesë

Rayo Vallecano hodhi një hap të rëndësishëm në luftën për mbijetesë në La Liga, pasi mposhti me rezultatin e thellë 3-0 Atlético Madrid, që synon zonën e Ligës së Kampioneve.

Skuadra vendase befasoi madrilenët me dy gola brenda pesë minutave pak para pushimit. Fillimisht shënoi Fran Pérez, ndërsa më pas diferencën e dyfishoi Óscar Valentín, duke lënë Atleticon të tronditur dhe pa reagim në fundin e pjesës së parë.

Në pjesën e dytë, madrilenët u përpoqën të rrisin ritmin, por pa arritur të rikthehen në lojë. Në minutën e 75-të, Nobel Mendy vulosi përfundimisht fitoren e Rayos me golin e tretë, duke ndezur festën e tifozëve vendas.

Me këtë sukses, Rayo del nga zona e rënies dhe ngjitet në vendin e 16-të në renditje, ndërsa skuadra e drejtuar nga Diego Simeone mbetet në vendin e katërt.