Atletico Madridit i soset durimi, gati të shkarkojnë pas 11 vitesh Diego Simeonen

E ardhmja e Diego Simeone te Atletico Madrid është vënë në pikëpyetje pas 11 vitesh. Sipas asaj që raportohet në Spanjë, drejtuesve kryeqytetas i ka mbaruar durimi dhe po mendojnë të shkarkojnë teknikun argjentinas.

Rezultatet e dobëta në sezonin e fundit, asnjë progres në sulm dhe në mbrojtje janë disa nga arsyet pse drejtuesit nuk kanë më durim. Ata ndodhen 16 pikë larg Real Madridid kryesues, ndërkohë që ende ka për të luajtur edhe pothuajse gjysma e sezonit.

Afrimet e Griezmann apo Cunha nuk e përmirësuan lojën e ekipit. 8 trofe të fituara dhe dy finale Champions League të humbura. 11 vitet e suksesshme të Simeones mund të jenë drejt fundit, dhe mediat kanë filluar të nxjerrin edhe pasuesin e tij. Emri më i mundshëm për ta pasuar është Simone Inzaghi, por që do të jetë e vështirë për ta rrëmbyer duke parë momentin që po kalon tek Interi.