Atletiko Madrid favorite në Gjermani, rezultati 1-1 më i mundshmi

Sporti E Hënë, 19 Prill 2021 05:05

Atletiko Madrid konsiderohet favorite për të fituar sot ndaj Bayer Leverkusen, në ndeshjen e parë të Champions league, ndonëse luan në Gjermani. Nën-kampionët e sezonit të kaluar në Champions, që drejtohen nga Diego Simeone po kalojnë një formë të mirë, pas fitores 3-0 që siguruan në fundjavë, ndaj Almerias, ndeshje e vlefshme për kampionatin spanjoll. Atletico është kuotuar nga kompanitë e basteve me koeficient 2,25 për fitoren e mundshme ndaj ekipit gjerman, që ka pasur luhatje në javët e fundit në Bundesligë. Suksesi i mundshëm i vendasve kuotohet me 3,30. Shanja “X” kuotohet me 3.2, rezultat që është shënuar në dy ndeshjet e fundit të përballjeve mes tyre, tre vjet më parë, ndeshje të vlefshme për Europa League. Por një rezultat i tillë mund t’i shkojë për shtat Atletiko Madrid, që e pret Bajer Leverkusen në shtëpi, në ndeshjen tjetër dhe do ta ketë më të lehtë që të kalojë më tej. Rezultati 1-1 konsiderohet si më i mundshmi, mes tyre, në ndeshjen e parë. Sakaq, Arsenali në ndeshjen tjetër ndaj Monacos, falë formës së mirë në Premier League dhe eksperiencës ka më tepër shanse fitoreje, sipas kompanive të basteve, teksa e kanë kuptuar triumfin e topçinjve të Londër me koeficientin 1.65. sa i përket rezultatit të saktë, kjo ndeshje shihet si më e paparashikueshme, pasi luhatjet e francezëve kanë qenë të mëdha gjatë këtij sezoni.