Aubumeyang i kthen përgjigjen e papritur Milanit

Te Milani pas disa blerjeve të rëndësishme gjatë merkatos së verës, po kërkohet me ngul një sulmues. Një prej të preferuarve të drejtuesve të klubit kuqezi është Pierre-Emerick Aubameyang.

Por mesa duket kjo alternativë bie poshtë, pasi lojtari nuk do të shkojë te Milani. Sulmuesi nga Gaboni i ka kthyer përgjigje ish-skuadrës së tij duke thënë në një intervistë për të përjavshmen gjermane ‘Welt am Sonntag’ se do të qëndrojë në Dortmund.

“Është e vërtetë se pata një ofertë. Fola me drejtuesit e Dortmundit dhe në momentin që nuk erdhi një ofertë bindëse, vendosëm që unë të qëndroj. Jam i lumtur në Dortmund”.

Tashmë Milani duhet të shohë një tjetër alternativë për sulmin gjatë kësaj merkatoje vere.