Avioni privat i Messit bën ulje emergjente në Bruksel

Avioni privat i Lionel Messi ka bërë një ulje emergjence të premten në mëngjes në aeroportin Zaventem, në Bruksel në Belgjikë.

Jet-i, i blerë dy vjet më parë nga sulmuesi i Barcelonës për 13 milionë euro, ka patur një problem me rrotat ulëse të tij. Nuk është ende e qartë nëse Messi ka qenë në bord të mjetit. Lajmin e ka bërë të ditur portali belg HLN, sipas të cilit përgjegjësit e aeroportit belg nuk kanë dashur të japin deklarata.

Avioni, i drejtuar për në Tenerife (Spanjë) ishte ulur herën e parë në Bruksel në orën 9:18. Më pak se një orë e gjysmë më pas është ngritur në drejtim jug-perëndimor, për tu kthyer sërish në Zaventem pas vetëm 43 minutash.