Babai i Higuain: Nuk ikën nga Juventusi, ka edhe një vit e gjysmë kontratë

Historia e dashurisë mes Gonzalo Higuainit dhe Juventusi duket se nuk do të mbyllet shumë shpejt. Këtë e lë të nënkuptohet babai i “El Pipitas”, që hedh poshtë zërat e fundit pas udhëtimit të sulmuesit në vendlindje.

“E gjithë kjo që thuhet nuk është e vërtetë. Mund t’ju them një gjë: Gonzalo do të qëndrojë tek Juventusi, sepse ai ende ka një vit e gjysmë kontratë dhe do ta respektojë atë. Do ta përfundojë ciklin e tij sikurse është parashikuar në kontratën aktuale.

Pastaj, pas kësaj periudhe, ai do të marrë vendimin që e gjykon më të përshtatshëm, sepse ai do të jetë futbollist i lirë. Ky është realiteti dhe ajo që do të ndodhë. Por, në parim, nuk është qëllimi i tij të largohet nga ai klub që ai e do shumë dhe ku njerëzit e duan”, deklaroi babai i Higuain.