Bakayoko rikthehet sërish në Seria A, por jo te Milani

Tiemoué Bakayoko kthehet në Serinë A. Mesfushori do të vendoset sërish në dispozicion të trajnerit Rino Gattuso, por te skuadra e Napolit.

Marrëveshja me Chelsea-n është arritur për huazimin vjetor të mesfushorit, i cili do të luajë në Napoli deri më 30 qershor 2021. Futbollisti ka zbarkuar në Romë për ekzaminimet mjekësore, që do t’i paraprijnë njoftimit zyrtar nga Napoli.

Milani ishte shumë i interesuar për Bakayokon, por negociatat me Chelsea-n kurrë nuk u konkretizuan. Ndaj dhe Napoli e shfrytëzoi mundësinë që iu dha, duke përforcuar organikën me një mesfushor cilësor.