Balaj rrezikon të mungojë në dy sfidat e radhës së Kombëtares, sinjale pozitive nga Ismajli

Shqipëria rrezikon të humbasë edhe një tjetër lojtar për kualifikueset e Botërorit 2022 me Hungarinë dhe Poloninë.

Bekim Balaj ka pasur një shqetësim muskulor në kofshë dhe i është dashur të kryejë vizitat mjekësore, pas të cilave do të shihet, nëse do të jetë i gatshëm apo jo për ndeshjen e së shtunës me Hungarinë. Sulmuesi iu nënshtrua vizitave mjekësore, rezultati i të cilave do të përcaktojë nëse shkodrani do të jetë në dispozicion të trajnerit Edy Reja.

Kuqezinjtë kanë marrë lajme pozitive nga mbrojtësi Ardian Ismajli, i cili është stërvitur rregullisht me grupin. Mungesë e sigurt është ajo e mbrojtësit Erjon Hoxhallari, i cili la grumbullimin pasi doli pozitiv në testet e Covid-19. Shqipëria luan në Budapest, të shtunën e 9 tetorit, ndërsa në datën 12 pret Poloninë në Tiranë.