Bale e thotë hapur: Te Uellsi ndihem më mirë se te Real Madridi

Gareth Bale ndihet më mirë kur luan për Uellsin se sa për Real Madridin. 30-vjeçari në një intervistë të dhënë së fundmi në prag të ndeshjes ndaj Azerbajxhanit, ka deklaruar se nuk ka asnjë çësthje për të sqaruar.

“Te Uellsi flas gjuhën time dhe ndihëm më mirë. Patjetër që ndihem më mirë kur luaj për kombëtaren. Është si të luash me miqtë tuaj të dielën në park. Është krejt normale. Angazhimi në fushë nuk ndryshon. Unë jap gjithmonë 100%, kudo që të jem.

Kam bërë një stërvitje të plotë një javë. Natyrisht që kemi dy ndeshje të mëdha dhe nuk jam i sigurt nëse do t’i luaj 90 minutat e plota, por do të bëj çmos për të luajtur sa më shumë të mundem”, deklaroi uellsiani.