Bale është i vendosur, kërkon me çdo kusht largimin nga Reali

Gareth Bale dhe Real Madridi janë në një situatë të tensionuar.

Ylli uellsian dhe trajneri Zidane nuk kanë raporte të mira me njëri-tjetrin, madje tekniku francez nuk e grumbulloi as në ndeshjen e Champions League përballë Club Brugge.

Sipas asaj që raporton e përditshmja spanjolle “AS”, gjatë merkatos së janarit Bale do të largohet nga Real Madrid drejt një skuadre tjetër.

Konfliktet me Zidanen do të detyrojnë sulmuesin e njohur që të kërkojë një klub tjetër i cili i premton më shumë minuta aktivizimi.

Edhe pse nuk ishte i grumbulluar, Bale u urdhërua që të ishte në stadium për të ndjekur ndeshjen, shkruan “Daily Mail”, raporton SYRI.net.

Megjithatë, sulmuesi ka bërë me kokën e tij. Siç raportoi televizioni spanjoll, Deportes Cuatro, Bale është paraqitur 4 minuta pasi ka filluar ndeshja në “Santiago Bernabeu”.

Kësaj situate të tensionuar siç duket po i vjen fundi pasi “divorci” mes Bales dhe klubit mbretëror është i pashmangshëm.