Ballkani fitore historike ndaj Dinamo Zagreb në Conference League

Ballkani merr fitoren e parë në këtë edicion të Conference League. Skuadra nga Suhareka mposhti për llogari të Grupit C, Dinamon e Zagrebit me shifrat 2-0.

Ndeshja do të zhbllokohej në fundin e pjesës së parë, në minutën e 44-t. Qëndrim Zyba ftoi në aksion Kryeziun i cili u shkëput bukur dhe nuk fali përballë portierit kundërshtar. Anësori akordoi pozicion jashtë loje, por ishte VAR që lejoi festën në Fadil Vokrri.

Skuadra e Dajës rezistoi në pjesën e dytë, më pas gjetën dhe golin e dytë 7 minuta nga fundi i kohës së rregullt. Walid Hamidi rrëmbeu një top nga mbrojtësi i Dinamo Zagreb dhe më pas mposhti edhe portierin pavarësisht se ishte në një kënd mjaft të vështirë.

Në fund, shifrat u fiksuan në 2-0 për Ballkanin që festoi një trepikësh të rëndësishëm në Grupin C dhe merr vendin e dytë në një grup që kryesohet nga Plzen me gjashtë pikë. Në vend të tretë është Dinamo Zagreb me tre pikë dhe mbyll grupin me zero pikë Asatana.