Barcelona bën gati ofertën për të rrëmbyer Lewandowskin nga Bayerni

Robert Lewandowski po mendon për herë të parë largimin nga skuadra e Bayernit. E ardhmja duket se do të jetë te skuadra e Barcelonës, që ka qenë me aktive në jaht e fundit.

“Marca” shkruan se ka patur një takim mes drejtorit të klubit spanjoll Mateu Alemany dhe agjentit të lojtarit Pini Zahavi të mërkurën.

Alemany i ka bërë të ditur agjentit se Barcelona është e gatshme të paguajë 35 milionë eurot që Bayerni kërkon për kartonin e lojtarit. Për Lewandowskin është gati një kontratë 2-vjeçare me opsionin për një vit të tretë.

Klubi gjerman nuk është dorëzuar dhe pritet që të mërkurën të ketë një takim mes drejtuesve të Bayernit dhe Pini Zahavit.