Barcelona dhe PSG bëjnë gati super shkëmbimin në verë

Barcelona dhe PSG po mendojnë për një shkëmbim të madh në merkaton e verës së ardhshme. Bëhet fjalë për dy “yjet” Neymar dhe Griezmann, që nuk janë të kënaqur me situatat që po kalojnë në skuadrat respektive.

Historia e brazilianit tashmë e njohur nga të gjithë, luftoi gjatë gjithë verës për t’u kthyer te Barcelona, por në fund mbeti në Paris, ndërsa sulmuesi francez i “blaugranave” duket se e ka shumë të vështirë të integrohet nën “hijen” e Messit, i cili e ka shprehur hapur qëndrimin e tij pro kthimit të O’Ney.

“Le10sport” shkruan se një shkëmbim i tillë nuk është fantazi, por e mbështetur në realitet. Në këtë rast, përveç kartonin e Griezmann, Barcelona do të ofronte edhe një shumë të majme parash. Braziliani ka një marrëdhënie shumë të ngushtë me Messin, që mbetet pa dyshim çelësi për t’i dhënë jetë këtij transferimi të bujshëm.

Klubet mund të nisin lëvizjet në merkaton e verës, me Neymar dhe Griezmann që do të hapnin një kapitull të ri në karrierën e tyre.