Barcelona e Koeman merr fitoren e dytë, mund me lehtësi Celta Vigon (VIDEO)

Barcelona merr tri pikët e radhës në La Liga, duke koleksionuar fitoren e dytë në këtë sezon. Skuadra Blaugrana triumfoi me lehtësi 3-0 ndaj Celta Vigos, edhe pse luajti për 60 minuta me një futbollistë më pa në fushë.

Ndeshja nisi mjaft mirë për Barcelonën që zhbllokoi menjëherë ndeshjen që në minutën e 11-të me Ansu Fatin që shënon me një goditje me të majtën. Skuadra e Koeman mbeti me një futbollist më pak në fushë, pasi Lenglet u ndëshkua me kartonin e dytë të verdhë në minutën e 42-të.

Edhe pse në disavantazh numerik Barcelona shënoi një tjetër gol në fillimin e pjesës së dytë. Lionel Messi bën gjithçka mirë në zonën e vendasve, teksa goditja e tij u devijua nga Olaza dhe më pas shkoi në rrjetë. Në fundin e kohës shtesë, Sergio Roberto realizoi edhe golin e tretë për katalansit. Kujtojmë që Barcelona në dy ndeshjet e para, ende nuk ka pësuar asnjë gol. /R.Lika-Koha Jone/