Barcelona i heq shiritin e kapitenit portierit Ter Stegen

Barcelona ka njoftuar zyrtarisht vendimin për t’i hequr përkohësisht shiritin e kapitenit portierit Marc-André Ter Stegen, pas nisjes së procedurave disiplinore ndaj tij.

Klubi, në bashkëpunim me drejtorin sportiv dhe stafin teknik, ka vendosur që Ter Stegen të mos mbajë më shiritin e kapitenit deri në përfundimin e hetimeve dhe zgjidhjen përfundimtare të situatës.

Gjatë kësaj periudhe, detyrat e kapitenit kryesor do t’i kalojnë mbrojtësit Ronald Araujo, i cili është aktualisht kapiteni i dytë i ekipit të parë.

Ky vendim është pjesë e një procesi të brendshëm disiplinor që pritet të marrë zhvillime në ditët në vijim.