Barcelona kërkon “bishën” e skuadrës së Wolves në verë

Barcelona është gati për një mini-revolucion në merkaton e verës. Krahas emrave për një numër 9 të mirëfilltë, drejtuesit kërkojnë edhe lojtarë nga krahu, duke parë se blerjet e fundit si Dembele, Malcom e Coutinho nuk kanë arritur që të bindin.

Adama Traore shihet si një kandidat i fortë për të veshur fanellën “blaugrana”, teksa është vëzhguar në disa ndeshje nga emisarët spanjollë.

24-vjeçari ka një ecuri impresionuese me Wolverhamptonin e deri tani ka luajtur 36 ndeshje, ku ka shënuar 5 herë dhe ka dhënë 10 asiste. Kujtojmë që Traore ka qenë pjesë e skuadrës së moshave të Barcelonës nga viti 2012 deri në 2015.