Barcelona në vështirësi të mëdha, Messi nuk udhëton për në Ukrainë

Leo Messi nuk është grumbulluar për ndeshjen e radhës së Barcelonës në Champions League, ndaj Dinamo Kiev, gjë që ka shkaktuar shumë bujë në mjedisin katalanas.

Edhe pse trajneri Ronald Koeman tha se kapiteni nuk u grumbullua thjesht për t’i dhënë pak pushim, situata e Messit në klub të bën të mendosh se mosgrumbullimi i tij vjen për shkaqe të tjera.

Mungesës së Messit në Ukrainë do t’i shtohen ato të Gerard Piqué, Sergi Roberto, Samuel Umtiti, Ronald Araujo, Sergio Busquets dhe Ansu Fati, duke bërë që Barcelona të udhëtojë me vetëm 16 lojtarë të ekipit të parë.