Barcelona “piketon” Griezmann në rast largimi të Neymar

Barcelona po “përgatitet” në rast largimi të Neymar tek PSG duke u interesuar për emra të mëdhenj që do e zëvendësonin denjësisht brazilianin.

Nuk do të shkojnë shumë larg drejtuesit, pasi gazeta spanjolle “Marca” zbulon se objektivi kryesor i Barcelonës është Antonie Griezmann.

Sulmuesi francez i ka premtuar dashuri Atleticos në këto momente të vështira, ku nuk mund të bëjnë dot merkato, por ky fakt nuk i ndalon katalanasit që të paguajnë klauzolën e tij.

Griezmann për momentin vlen 100 milionë euro dhe në rast të një oferte, drejtuesit e Atleticos duhet ta marrin seriozisht këtë situatë.

Në listën e gjatë të dëshirave janë gjithashtu edhe Coutinho, Hazard, Mbappe dhe Paolo Dybala.