Barcelona rrezikon t’i bllokohet sërish merkato, alarmin e jep presidenti i La Ligas

Barcelona rrezikon që t’i bllokohet sërish merkatoja, ashtu siç i ndodhi verën e shkuar, për shkak të paaftësisë së tyre për të frenuar rritjen e kostove të pagave.

Presidenti i La Ligës, Javier Tebas, konfirmoi se ekipi katalanas, në kushtet aktuale nuk mund të bëjnë merkato hyrëse në verë. Skuadra e Laportës ka shpenzuar pa kriter gjatë viteve të fundit.

“Sot që flasim, Barcelona nuk ka asnjë hapësirë në buxhetin e saj për të shpenzuar në merkaton e ardhshme. Ata janë përfshirë në një sjellje të dyshimtë, e cila ka pasur një ndikim në La Liga dhe ne po veprojmë në përputhje me rrethanat. Ne kemi vendosur që ata nuk mund të transferojnë më lojtarë. Ata shitën 700 milionë euro të të drejtave televizive dhe provuan që të gjenin mënyra të ndryshme për të zgjidhur situatën. Por ata nuk do të jenë në gjendje që të bëjnë merkato sezonin e ardhshëm.

Ne kemi kontrolle strikte ekonomike. Në fund të çdo dritareje merkatoje, ne u themi të gjitha klubeve të La Ligës se çfarë ata mund të shpenzojnë. Dhe në rastin e Barcelonës, ata duhet të ulin shpenzimet për pagat dhe transferimet nga 650 milionë euro në 450 milionë euro, flasim për një buxhet minus 200 milionë euro. Ata duhet të ulin shpenzimet për investimet për lojtarë të rinj dhe ne i kemi inkurajuar që të shesin lojtarë, sepse për çdo shumë që ata përfitojnë nga shitjet, mund të shpenzojnë 40% të saj”, deklaroi Tebas.