Barcelona vijon me spastrimet, mbrojtësi i talentuar bën gati valixhet

Nuk kanë fund largimet te skuadra e Barcelonës. Pas Suarezit, Vidalit dhe Semedos, tashmë është radha e Jean-Claair Todibo për t’u larguar nga Barcelona. Trajneri holandez, Ronald Koeman, po bën një spastrim të përgjithshëm te katalanët dhe mbrojtësi francez është në listën e të padëshiruarve.

20-vjeçari me shumë mundësi mund të rikthehet në Francë te Rennes. Ekipi francez do të luajë në Europë dhe i siguron vendin e titullarit të padiskutueshëm ndaj dhe është në avantazh për ta afruar, siç raportohet, në huazim me të drejtë blerjeje rreth 17 milionë euro.