Bare bën gati “valixhet” nga Malaga, kërkon transferimin në La Liga

Mesfushori i Shqipërisë, Keidi Bare, e ka vendosur se do të largohet nga skuadra e Malagas në fundin e sezonit. Ai nuk mendon për të qëndruar në ekipin që luan në Kategorinë e Dytë spanjolle.

Lojtari i kombëtares sonë u ka komunikuar drejtuesve të tij se nuk do të rinovojë kontratën. Ai donte të largohej që në merkaton e janarit, por diçka e tillë nuk ndodhi.

Fieraku dëshiron të kalojë në elitën e futbollit spanjoll, pasi do të bëjë një hap të rëndësishëm përpara në karrierë. Kujtojmë që Bare ka qenë pjesë e Atletico Madrid, skuadër ku është aktivizuar në pak ndeshje zyrtare.