Bayerni mund me lehtësi Barcelonën, Napoli dhe Liverpooli fitojnë bindshëm (VIDEO)

Nuk ka surpriza mbrëmjen e sotme në Champions League. Pasi mësuan lajmin e eliminimit, Barcelona e humbi të gjithë interesin në duelin ndaj Bayernit duke pësuar një humbje 0-3 në Camp Nou.

Në minutën e 10-të, Sadio Mane shkëputet mjaft mirë në kundërsulm dhe më pas e ka të thjeshtë për të realizuar përballë portierit Ter Stegen. Në minutën e 31-të, Choupo-Moting përfitoi nga përgjumja e mbrojtës së ekipit të Xavit. Në kohën shtesë të ndeshjes Pavard do të vuloste turpërimin e vendasve në shtëpinë e tyre.

Rrugëtimin perfekt në Champions vijon edhe Napoli, që shkatërroi 3-0 në shtëpi Rangers. Dy golat e Smeones dhe një nga Ostigard ishin autorët e golave. Në të njëjtën grup, Liverpooli shkatërroi 3-0 Ajaxin. Salah, Nunez dhe Elliot ishin autorët e golave.

Atletico Madrid i jep lamtumirën Championsit, pas barazimit 2-2 në shtëpi ndaj Leverkusenit. Tottenham barazoi 1-1 ndaj Sportingut. /R.Lika-Koha Jonë/