Bayerni pa trajner në dy sfidat e radhës, Naglesmann infektohet me Covid

Bayerni mori një tjetër fitore mbrëmjen e djeshme në Champions 4-0 në transfertën ndaj Benficës, por nuk ka aspak lajme të mira nga Julian Nagelsmann.

Trajneri në fakt, mbeti në hotel për shkak të asaj që ishte quajtur një “infeksion i ngjashëm me gripin” dhe në vend të tij në krye të ekipit ishin asistentët Dino Toppmoller dhe Xaver Zembrod.

Sot në fakt klubi gjerman njoftoi atë që të gjithë kishin frikë, Julian Nagelsmann rezultoi pozitiv me koronavirus pavarësisht se ishte vaksinuar. Ai do të kthehet në Mynih veçmas nga ekipi, me një avion ambulancë dhe do të vendoset në izolim shtëpiak. Në dy ndeshjet e radhës, Bayerni do t’i zhvillojë pa trajnerin e saj dhe sërish asistentët do të drejtojnë skuadrën në fushë.