Benzema merr ofertën 200 milionë euro, i skadon kontrata me Real Madrid

Karim Benzema është në vitin e fundit të kontratës me Real Madrid, e cila i skadon në fund të muajit qershor.

E ardhmja e sulmuesit francez është ende e paqartë, ndërsa rinovimi mungon ende. Sipas raportimeve të fundit, thuhet se 35-vjeçari ka marrë një ofertë të majme nga Arabia Saudite.

“AS” raporton se Al Ittihad, i ka ofruar 200 milionë euro në sezon Benzema, në një kontratë 1-vjeçare, me mundësi rinovimi edhe për një vit tjetër.

Ende nuk ka një vendim nga vetë lojtari.