Bilbao befason Realin dhe shkon në finalen e Superkupës ndaj Barcelonës (VIDEO)

Athletic Bilbao është finalisti i dytë i Superkupës së Spanjës, teksa do të sfidojë Barcelonën të dielën. Skuadra baske fitoi 2-1 ndaj madrilenëve, duke zhvilluar një ndeshje shumë të mirë.

Në minutën e 18-të, Raul Garcia përfitoi nga përgjumja e mbrojtjes madrilene për të arritur që të shënojë. 20 minuta më pas Bilbao fitoi një penallti që do të kthehej në gol sërish nga Garcia.

Në minutën e 73-të, Reali u rikthye në lojë duke shkurtuar diferencat me Benzema, i cili shënoi me portën e boshatisur. Pavarësisht përpjekjeve deri në fund të Realit, rezultati nuk do të ndryshonte me Bilbaon që siguroi një vend për në finalen e Superkupës. /R.Lika-Koha Jone/