“Bomba” e Ronaldos pas finales: Ishte bukur që isha pjesë e Realit!

Kristiano Ronaldo po bën gati valixhet për t’u larguar nga Real Madrid  dhe këtë gjë e ka shprehur menjëherë pas përfundimit të finales së Champions League.

“Ishte shumë e bukur që isha pjesë e Real Madrid. Në ditët e ardhshme do t’u përgjigjem të gjithë mbështetësve të cilët kanë qëndruar përkrah meje gjatë kësaj kohe. Kush ka fituar më shumë Champions? Kush ka shënuar më shumë?”, tha ai për BeIN Sports pak çaste pas vërshëllimës përfundimtare.

“Tani për tani duhet të gëzojmë se kemi shkruar historinë”, ishin fjalët e portugezit që duken tashmë si të një lamtumire nga madrilenët, ku fitoi 4 Liga Kampionesh në 5 vitet e fundit.