“Bomba” nga Anglia: Ja ku do të shkojë Messi nëse largohet nga Barcelona!

Liverpooli  është skuadra e vetme europiane që mund të bëjë që Lionel Messi të largohet nga Barcelona. Sulmuesi argjentinas gjithë karrierën e tij profesionale e ka kaluar në “Camp Nou”, duke shfaqur një dashuri të madhe për klubin blaugrana. Në fakt, së fundmi “Pleshti” ka zbuluar sipas gazetës “Daily Star” se vetëm kampionët e Europës mund të bëjë që ai të ndryshojë këtë mendim dhe të largohet.

Duke folur pas fitores së “Topit të Artë”, të gjashtin ne karrierën e tij ai u shpreh për “France Football”: “Ka pasur shumë klube që më kanë hapur derën, por ata e dinë se çfarë dua. Mund të ndodh vetëm në rast se një ditë do të ndryshojnë skenaret”.

Eksperti i ESPN, Graham Hunter, është i mendimit se Messi mund të largohet nga klubi katalanas gjatë verës, pasi klubi spanjoll kërkon të rinovojë ekipin për të fituar Championsin.

Agjenti Francis Nkwain është i mendimit se ai mund të nis një sfidë të re.

“Liverpool është një mundësi e mirë, të cilën ai mund ta shtojë në listën e tij. Ata janë lloji i skuadrës, të cilën Messi dëshiron që të lëvizë në sfidën e fundit në një kampionat kompetitivë”, ka thënë ai në programin “On The Whistle”. /R.Lika-Koha Jone/