Boniek: Maradona mund të fitonte Botërorin i vetëm, Messi ka nevojë për ekipin

Legjenda e njohur e Juventusit dhe Polonisë, Zbigniew Boniek, aktualisht zëvendëspresident i UEFA-s, në një intervistë për gazetën “AS” ka bërë dallimin mes Maradonës dhe Messit.

“Diego mund të fitonte një Botëror i vetëm, ndërsa Messi ka nevojë për skuadrën. Nuk mendoj se në futbollin e sotëm mund ta bëjë diferencën një lojtar i vetëm.

Mund të ketë lojtarë përcaktues, por duhet ekipi për të fituar ndeshjen. Kanë kaluar kohët e Maradonës. Diego mund të fitonte i vetëm, tani Messi ka nevojë për skuadrën”, deklaroi Boniek.