Botërori i Klubeve, Shaqiri motivon Liverpool: Na duhet ky titull!

Liverpool ka kryer seancën e parë stërvitore në Katar, ku po bën përgatitjet për turneun e rëndësishëm si Botërori i Klubeve.

Kampionët në fuqi të Europës marrin pjesë pas suksesit në UEFA Champions League, teksa në gjysmëfinale do të masin forcat me Monterrey.

Një kundërshtar mjaft i vështirë ky për Liverpool, me Jurgen Klopp që duhet të bëj mirë llogaritë për të arritur në finalen e madhe. Eksperienca e Xherdan Shaqirit pritet ta ndihmojë jo pak, kjo për shkak se shqiptari që përfaqëson kombëtaren e Zvicrës e ka fituar më parë këtë titull, kur ishte pjesë e Bayern Munich.

Për faqen zyrtare të klubit, mesfushori me tipare sulmuese foli për rëndësinë e këtij turneun, ndërsa shtoi se është objektiv konkret për Liverpool.

“’Është e veçantë sepse luani kundër klubeve nga kombe krejtësisht të ndryshme, kështu që është një përvojë e mahnitshme. Nuk mund ta kesh gjithmonë këtë përvojë. Është një rrugë e gjatë për të arritur atje, kështu që duhet ta shijojmë edhe ne. E fitova atë me Bayernin. Ishte mahnitëse dhe është gjithashtu e rëndësishme për klubin: një trofe i madh, një trofe i rëndësishëm. Ne do të bëjmë gjithçka për të fituar. Do të jetë mirë, ekipe të mira, kështu që ne duhet ta shijojmë, por edhe të përpiqemi ta fitojmë. Është një mundësi për ta fituar atë dhe për të marrë një trofe tjetër në Liverpool,” përfundoi Shaqiri.

Takimi i vlefshëm për gjysmëfinalen e Botërorit të Klubeve mes Liverpool dhe Monterrey do të luhet këtë të mërkurë në orën 18:30.