Braithwaite nuk mund të luajë në Champions League, ja rregullorja që e pengon

Barcelona zyrtarizoi ditët e fundit blerjen e Martin Braithwaite nga Leganes për shumën e 18 milionë eurove. Të shumta kanë qenë pyetjet nëse danezi mund të aktivizohet në Champions League apo jo dhe përgjigja është që sulmuesi nuk mund të jetë pjesë e Champions këtë sezon.

Kjo për arsyen e thjeshtë sepse afati i fundit për të përfshirë lojtarë të rinj në listën e UEFA Champions League është 1 shkurti. Përtej kësaj date, UEFA nuk bën asnjë përjashtim, kështu që danezi nuk mund të shijojë magjinë e një kompeticioni si Champions League, por mund të luajë vetëm në La Liga.