Brdaric: Kampionati nuk ka mbaruar, kemi bërë sezon fantastik!

Vllaznia mori një fitore të madhe ndaj Partizanit, duke i zbritur këta të fundit në vendin e tretë. Pas ndeshjes, trajneri i shkodranëve, Tomas Brdariç u shfaq shumë i lumtur, ndërkohë që shprehur besimin te titulli kampion deri në 90 minutat e fundit.

“Dua të falënderoj ekipin, sepse ajo që arritëm duhet një javë ta kuptojmë se çfarë kemi bërë këtë sezon. I kishim marrë masat për këtë ndeshje. Dua të falënderoj ekipin dhe tifozët që na kanë ndihmuar këtë sezon.

Kampionati nuk ka përfunduar. Ne besojmë dhe do të punojmë fort në ditët e ardhshme. Sot do të festojmë për fitoren e arritur. Kemi bërë një sezon fantastik. Kemi arritur objektivin minimal që është kualifikimi në Europë. Të shpresojmë në një mrekulli dhe do të ishte çmenduri më pas”, deklaroi trajneri Brdaric pas ndeshjes.