Broja i “mallkuar” nga dëmtimet, te Evertoni nuk janë të kënaqur me rendimentin e tij

Aventura e Armando Brojës në vitin 2025 nisi në mënyrën më të keqe të mundshme. Pas 32 minutash lojë ai la fushën e blertë pas një tjetër dëmtimi, që ende nuk dihet se sa do ta mbajë jashtë fushave. Te Evertoni besonin se sulmuesi i Kombëtares sonë mund të ishte zgjidhja për të dalë nga kriza momentale që po kalon klubi, por nuk rezultoi kështu.

Kritika nuk kanë munguar në mediat angleze për rendimentin e Brojës. “Football fancast” shton se as rikthimi i Brojës nuk ka sjell shtysën që kishte nevojë skuadra. Ish-sulmuesi i Chelsea-t nuk ka shënuar asnjë gol në 5 ndeshje që është aktivizuar.

Shoku i repartit, Calvert-Leëin, nuk është se ka shumë statistika pozitive, madje mund të largohet që këtë muaj. Nëse për Brojën nuk do të jetë një dëmtim që do e mbajë jashtë fushave për një kohë të gjatë, rikthimi do e bëjë sërish protagonist, por fillimisht do të duhet që të gjejë golin.

Kujtojmë që për momentin Broja po luan në formë huazimi nga Chelsea, por rikthimi te Blutë e Londrës duket shumë i vështirë. Rigjetja e formës pas një sezoni të gjatë me dëmtime, është misioni i parë që duhet të arrijë. /R.Lika-Koha Jonë/