Broja i pandalshëm, gjen golin e parë zyrtar në Holandë (VIDEO)

Armando Broja ka arritur që të gjejë golin e parë zyrtar në kampionatin holandez.

Edhe pse luajti si zëvendësues, 19-vjeçari arritur të shënonte golin e dytë në takimin përballë Sparta Rotterdam, duke përfituar nga një grushtim i portierit rival që nuk arriti ta ndalte topin plotësisht.

Broja kaloi këtë vit nga Chelsea në kampionatin holandez pasi nuk arriti të gjente vend në ekipin e parë londinez. Ai vlerësohet si një nga sulmuesit me të ardhme të ndritur.