Broja shpëton Chelsea-n nga humbja ndaj City-it, barazim spektakolar me 8 gola (VIDEO)

Armando Broja edhe pse nuk u ftua nga trajneri Sylvinho për dy ndeshjet e radhës, është bërë protagonist në pak minuta lojë që i rezervoi trajneri Pochettino kundër Manchester City-it. Super dueli i kësaj fundjave përfundoi në barazim spektakolar 4-4.

Dy herë Haaland, Rodri dhe Akanji shënuan për “qytetarët” që morën tre herë epërsinë, por nuk e mbajtën dot, teksa blutë e Londrës shënuan me Thiago Silva, Sterling, Jackson dhe ish-i Palmer me penallti në shtesë.

Protagonist në këtë takim edhe sulmuesi i Kombëtares Shqiptare, Armando Broja, që e nisi nga stoli dhe zbriti në fushë në minutën e 88-të.

Në prekjen e parë të topit, lëvizi mirë në zonë, duke u ndalur me faull nga Dias, teksa arbitri akordoi menjëherë penalltinë që solli edhe barazimin nga Palmer.

https://twitter.com/i/status/1723770839336706201