Bruno Fernandes “zgjat martesën” me United deri në vitin 2026

Bruno Fernandes pasi kualifikoi Portugalinë për në Kupën e Botës, merr shpërblimin e radhës edhe te Manchester United. Mesfushori ka rinovuar kontratën deri në vitin 2026. Ai u transferua nga Sportingu i Lisbonës te “Djajtë e Kuq” në verën e vitit 2020 për shumën e 63 milionë eurove.

27-vjeçari ka shënuar 49 gola dhe ka dhënë 39 asiste në 117 ndeshje me United, ndërkohë që rroga e tij është dyfishuar dhe nga sezoni i ardhshëm do të përfitojë 240 mijë paund në javë!

“Është privilegj i vërtetë të veshësh këtë fanellë dhe të luftosh për këtë klub të jashtëzakonshëm”, deklaroi Bruno Fernandes pas firmosjes së kontratës së re.