Bayerni mund Leipzig dhe kaulifikohet për në gjysmëfinale të Kupës

Janë mbyllur çerekfinalet e Kupës së Gjermanisë, me Bayern Munich që bëhet skuadra e fundit që siguron një vend në gjysmëfinale. Kampionët në fuqi të Gjermanisë triumfuan 2-0 ndaj Leipzigut në “Allianz Arena”, duke vulosur kualifikimin me dy gola të shpejtë në pjesën e dytë.

Sfida u zhbllokua në minutën e 64-t nga Harry Kane, i cili kaloi bavarezët në avantazh, ndërsa vetëm tre minuta më vonë Luis Diaz dyfishoi shifrat, duke i dhënë goditjen përfundimtare miqve. Skuadra e drejtuar nga Vincent Kompany administroi me qetësi minutat e mbetura, duke mos lejuar surpriza.

Me këtë sukses, Bayern i bashkohet Freiburgut, Stuttgartit dhe Bayer Leverkusenit në katërshen më të mirë të kompeticionit. Për rekordmenët gjermanë, ky është rikthim i shumëpritur në këtë fazë të turneut pas gjashtë vitesh. Herën e fundit që kishin arritur deri këtu, bavarezët e mbyllën edicionin duke ngritur trofeun, pasi mposhtën në finale pikërisht Bayer Leverkusenin.