Casillas kundër Messit: E vështirë të besosh se këto çmime jepen për lojtarët!

Lionel Messi fitoi për herë të 7-të në karrierën e tij “Topin e Artë”, por kritikat kanë qenë të shumta nga bota e futbollit. Në mesin e tyre as më shumë dhe as më pak është edhe Iker Casilas. Ky i fundit preferonte Lewandowskin si lojtarin më të mirë, ndërsa e ka shprehur hapur mendimin e tij.

“Është jashtëzakonisht e vështirë për mua që të besoj në këto çmime që jepen për futbollistët. Messi është një nga pesë lojtarët më të mirë të historisë së futbollit, por duhet ta kuptosh se kush është lojtari më i mirë pas një sezoni. Nuk besoj se është e vështirë”, tha Casillas.