Casillas: Largimi nga Reali ishte gabim, me Mourinhon kisha probleme

Iker Casillas është rikthyer të flasë për largimin e tij nga Real Madrid. Portieri spanjoll e cilëson largimin si një gabim nga të dyja palët.

“Ne të gjithë bëjmë gabime. Si unë ashtu edhe Real Madridi morëm vendime të gabuara. Largimi im ishte një zgjedhje e gabuar nga të dy palët. Nuk ishte vendim i mirë. Një ditë jam i sigurt se do ta korrigjojmë diçka të tillë.

Me Mourinhon kisha probleme dhe nuk kisha marrëdhënie të mira. Ai mendonte se unë nuk isha në nivelin e duhur për Realin, por nuk kam hatërmbetje me të”, deklaroi Casillas.