Challandes: Sfida me Shqipërinë, si përgatitje për kualifikimet e Botërorit

Kosova që tani ka nisur të mendojë për ndeshjet kualifikuese të Botërorit 2022. Bernard Challandes në këtë mënyrë e sheh miqësoren vëllazërore me Shqipërinë dhe dy sfidat e mbetura në Nations Legaue, përballë Sllovenisë në Lubjanë dhe përballë Moldavisë në Prishtinë.

“Ka kaluar një vit që s’kemi fituar, por nuk kemi zhvilluar ndeshje as në mars e aq në qershor. Ka ardhur më pas një periudhë që nuk ka qenë aspak e mirë për ne. Duhet ta kemi parasysh se vitin e kaluar jemi përballur me kundërshtarë si Anglia apo Çekia.

Pastaj erdhën ndeshjet e Ligës së Kombeve, por është e qartë se ne e kishim përqendrimin tek sfida me Maqedoninë. Pas asaj ndeshjeje ishte e vështirë të reagonim. Tani jemi në një fazë tjetër, në grumbullimin e fundit për këtë vit. Kjo le të jetë si përgatitje për ndeshjet kualifikuese të Botërorit”, deklaroi Challandes.