Championsi zbulon sonte dy gjysmëfinalistët e parë, Chelsea kërkon hakmarrjen ndaj Realit

Mbrëmjen e sotme rikthehet magjia e Champions League, me ndeshjet e kthimit të fazës çerekfinale. Në Bernabeo, Reali do të formalizojë kalimin për në gjysmëfinale ndaj Chelsea-t, pasi fitoi në shifrat 3-1 duelin e parë në Londër.

Skuadra e Ancelottit ka një avantazh të madh nga takimi i parë, por rregullorja e re me uljen e rëndësisë së golit në fushën kundërshtare e bën edhe më të bukur këtë duel. Nëse Chelsea fiton 2-0, atëherë dueli do të shkojë në shtesë. Te vendasit spikat mungesa e Militaos, ndërkohë që te ekipi i Tuchel nuk do të jetë Lukaku.

Bayerni është i detyruar të fitojë pasi është mposhtur në sfidën e parë me rezultatin minimal 1-0. Ekipi i Nagelsmann ka vetëm një objektiv. Nga ana tjetër Villarreal kërkon të vazhdojë surprizën e bukur në këtë kompeticion. Tolisso e Sule pritet të jenë mungesat kryesore për Bayern, ndërsa për Villarreal, nuk ka mungesa të rëndësishme.